На 17 октомври 2025, во х. Солун во Скопје, се одржа првиот консултативен состанок со претставници од надлежни институции кои ќе бидат вклучени во Работната група 2 (РГ 2), во рамки на проектните активности за подготовка на прелиминарни процени на ризик од поплави (PRFA) за избрани речни подсливови. Овие процени ги идентификуваат областите што може да бидат изложени на ризик од поплави, помагајќи им на надлежните да планираат за спречување и заштита од поплави.

Фокус на работилницата беше методологијата за Прелиминарна процена на ризик од поплави, според која проектот идентификуваше нови области со потенцијално значаен ризик од поплави за 7 речни подсливови. Работата на преостанатите три подсливови е во тек.

Методологијата за развој на Прелиминарната проценка на ризикот од поплави има четири клучни фази: 1. Собирање и анализа на достапните информации; 2. Претходен избор на области со потенцијално значаен ризик од поплави; 3. Значајни минати поплави во речниот слив; и 4. Конечен избор на области со потенцијално значаен ризик од поплави (APSFR).

За подготовка на прелиминарната процена на ризикот од поплави проектот прибра информации за сите оние аспекти што, по понатамошна анализа, овозможуваат идентификација на различни области на речен слив што во минатото претрпеле влијание од поплави, и области каде што постои ризик од поплави во иднина.

На работилницата беа детално презентирани идентификуваните области со потенцијално значаен ризик од поплави за сите десет подсливови по течението на реките Брегалница, Црн Дрим, Црна Река, Лепенец, Вардар, Пчиња, Струмица и Треска.

Подготовката на прелиминарни процени на ризик од поплави за сите десет подсливови претставува една од клучните проектни активности за усогласување со Директивата на ЕУ за поплави.